इपीएल फाइनलः पोखराले चितवनलाई दियो ११२ रनको मध्यम लक्ष्य


काठमाडौँ, असोज २३–

चौथो संस्करणको बजाज पल्सर एभरेष्ट प्रिमियर लिग (इपीएल)को फाइनलमा पोखरा राइनोजले चितवन टाइगर्ससामु ११२ रनको मध्यम लक्ष्य पेश गरेको छ ।

टियु क्रिकेट मैदानमा जारी फाइनलमा टस हारेर पहिले व्याटिङ गरेको पोखरा १७.५ ओभरमा १११ रनमै अलआउट हुन पुग्यो ।

पोखराका लागि असेला गुणरत्नेले सर्वाधिक ३४ रन बनाए भने कप्तान विनोद भण्डारीले २२ रन बनाए । ओपनर रिचर्ड लेभीले २६ रन बनाए भने विपिन रावलले १७ रन जोडे । पोखरालाई मध्यम स्कोरमा रोक्न चितवनका कमल सिंह ऐरीले सर्वाधिक ४ विकेट लिए ।

यस्तै करिम जन्नत र सेकुग्गेले समान २/२ विकेट लिए भने सोमपाल कामी र सागर ढकालले समान एक/एक विकेट लिए ।

<!---->

नारायणीअनलाइनबाट साभार

हाम्रो फेसबुक पेज