प्रशिक्षक अलमुताइरी भन्नुहुन्छ – ‘प्रदर्शन होइन, नतिजा महत्त्वपूर्ण’ ।


काठमाडौं : नेपाली राष्ट्रिय फुटबल टोलीका प्रशिक्षक अब्दुल्लाह अलमुताइरीले साफ च्याम्पियनसिप २०२१ अन्तर्गत दोस्रो खेलमा श्रीलंकालाई पराजित गरेपछि प्रतियोगितामा प्रदर्शनभन्दा नतिजा महत्त्वपूर्ण हुने बताएका छन् ।

खेलपछि पत्रकार सम्मेलनमा बोल्दै प्रशिक्षक अलमुताइरीले नेपालले लगातार दोस्रो जित हासिल गरेकोमा खुसी व्यक्त गरे । ‘म तीन अंक जोड्न सकेकोमा धेरै खुसी छु । खेल निकै कठिन थियो । यो प्रतियोगितामा अंक निकै महत्त्व’पूर्ण छ र हामीले सम्भव भएको ६ मा सबै ६ जित्न सकेका छौं ।

उनले भने, ‘हाम्रो अब फाइनल पुग्ने १ प्रतिशत सम्भावना रहेको मेरो बुझाइ छ । प्रतियोगिता अझै बाँकी छ, म खेलाडी र समर्थकबाट निरन्तर साथको अपेक्षा छ । अब दबाब अन्य टोलीलाई छ ।’ प्रशिक्षक अलमु’ताइरीले साफ च्याम्पिय’नसिपमा टोलीको प्रदर्शन भन्दापनि नतिजामा ध्यान दिनुपर्ने अभिव्यक्ति दिए । ‘प्रतियोगितामा प्रदर्शन भन्दापनि नतिजा महत्त्वपूर्ण हुन्छ ।

विपक्षीले बल राख्न चाहन्छ भने राखुन्, मलाई मतलब छैन । मलाई अंक चाहिएको छ । यदि मैत्री’पूर्ण खेल हो भने, प्रदर्शन महत्त्वपूर्ण हुन्छ । किनकि त्यसले प्रतियोगितामा खेल्न राम्रो गराउँछ,’ उनले थपे ।

खेल अनुसार रणनीति हुने भन्दै उनले टोलीले जितका लागि खेल्ने स्पष्ट पारे । ‘हुनसक्छ आज हामीले खेलेको रणनीति कतिलाई मन परेन होला । माल्दिभ्सको खेल पनि मन पराएनन् होला । तर म दुखि हुन्न । हामीले सम्भव भएको ६ अंक नै जितेका छौं,’ उनले भने, ‘अर्को खेलमा भारतले बल पोसेसन राखेर खेलेपनि मलाई केहि छैन ।

भारतले ९८ प्रतिशत नै बल पोसेसन राख्छ र हामी १-० जित्छौं भने मलाई नतिजा महत्त्वपूर्ण छ । त्यसैले अब हामीले विश्राम लिनेछौं र खेलको तयारी गर्नेछौं ।’ नेपालवि’रुद्ध लगातार दोस्रो हार बेहोरेपनि प्रतियोगितामा श्रीलंकाले अझै अन्य टोलीलाई हराउन सक्ने बताए । ‘मेरो विचारमा कुनैपनि टोलीवि’रुद्ध यो नतिजा हासिल गर्छु भन्न सक्ने अवस्था छैन । अर्को चरणमा कुन टोलीले कसलाई हराउँछ भन्न सकिन्न ।

श्रीलंकाले पछिल्लो खेलबाट सुधार गरेको छ । भारतले बंगलादेशवि’रुद्ध २ अंक गुमाएकोमा दबाब थपिएको छ । हामीले अब धैर्य गर्न आवश्यक छ । हतार गर्नुहुन्न,’ उनले थपे । प्रशिक्षक अलमुताइरीले आफूले खेलाडीलाई दबाबबाट टाढा राख्दै मिडियामा भने फरक प्रस्तुति दिएको बताए । ‘मैले खेलाडीसँग बोल्दा कडा मिहिनेत आवश्यक रहेको बताएको छु ।

मैले मिडियामा भनेको कुरा मानसिक रुपमा खेल खेलिरहेको हो । तर खेलाडी सधैं दबाबबाट टाढा हुनुपर्छ । मैले खेलाडीलाई मिडियासँग बोल्न नदिन पनि सक्छु । तर यो सब खेलाडीलाई द’बाबबाट टाढा राख्न हो,’ उनले भने ।

नेपालले अब भारतवि’रुद्ध आइतबार हुने खेलमा जित हासिल गरे पनि फाइनल पुग्ने सम्भावना छ । त्यसका लागि विहीबार हुने खेलको नतिजा नेपालको पक्षमा आउनुपर्नेछ । नेपाल विहीबार विश्राममा रहँदा भारतले श्रीलंका तथा माल्दिभ्सले बंगलादेशसँग खेल्नेछन् । नेपालले अब लिगमा आइतबार भारत र बुधबार बंगलादेशको सामना गर्नेछ ।-हाम्रो खेलकुद

तल कमेन्टमा आफ्नो प्रत्रिकृया लेख्न नभुल्नु होला ।

हाम्रो फेसबुक पेज