नेपाल बैंक र नेपाल टेलिकमबीच सम्झौता, मोबाइल बैंकिङ चलाउन वर्षदिनसम्म निःशुल्क डाटा पाईने


नेपाल बैंक र नेपाल टेलिकमबीच सम्झौता, मोबाइल बैंकिङ चलाउन वर्षदिनसम्म निःशुल्क डाटा पाईने

नेपाल बैंकले चाडपर्वलाई लक्षित गर्दै दुईवटा विशेष सुविधासहितको बचत खाताहरु सञ्चालनमा ल्याएको छ। नेपाल बैंकमा उक्त खाताहरु खोल्ने ग्राहकहरुलाई विभिन्न सुविधाका प्याकेजहरु दिने गरी असोज २० गते नेपाल बैंक र नेपाल टेलिकमबीच सम्झौता भएको छ।

सम्झौताअन्तर्गत नेपाल बैंकले विद्यार्थी र दम्पतीहरुलाई लक्षित गर्दै ल्याएको नयाँ बचत खाता ‘शुभज्ञान बचत’ खाता खोल्दा विद्यार्थीहरुलाई र ‘सहयात्री बचत’ खाता खोल्दा दम्पतीहरुलाई चारवटा बम्पर अफरहरु दिइने बैंकले जनाएको छ।

शून्य ब्यालेन्समा ‘शुभज्ञान बचत खाता’ र पाँच सय रुपैयाँ न्यूनतम ब्यालेन्समा ‘सहयात्री बचत खाता’ खोल्न सकिने बैंकले जनाएको छ। जसमा नेपाल टेलिकमको निशुल्क सिमकार्डका अतिरिक्त विभिन्न प्याकेजहरु उपलब्ध हुने बताइएको छ।

सम्झौतापछि नेपाल टेलिकमको निशुल्क सिम (विद्यार्थी र दम्पतीलाई), सिम एक्टिभेट भएको मितिले एक महिनासम्म हरेक दिन १० वटा एसएमएस, १०० एमबी डाटा र ४० मिनेट नेट भ्वाइस टक टाइम निःशुल्क उपलब्ध हुने बैंकले जनाएको छ।

यस्तै, नेपाल बैंकको मोबाइल बैकिङ एप चलाउँदा एक वर्षसम्म इन्टरनेट शुल्क नलाग्नेदेखि योजना अन्तर्गत खाता खोल्ने ग्राहकहरुलाई नेपाल बैंकले थप एक महिनाको लागि एक जीबी डाटा निःशुल्क उपलब्ध गराउने बताइएको छ।

यी अफरहरु नेपाल बैंकमा खाता खोल्ने विद्यार्थी र दम्पतीहरुलाई मात्र लागू हुने छ। सम्झौतामा नेपाल टेलिकमका प्रमुख व्यापारिक अधिकृत प्रतिभा वैद्य र नेपाल बैंकका प्रमुख वित्तीय अधिकृत होमबहादुर खड्काले हस्ताक्षर गरे।

TK Viber

प्रकाशित: २१ आश्विन २०७८, बिहीबार


technologykhabarबाट साभार तल कमेन्टमा आफ्नो प्रत्रिकृया लेख्न नभुल्नु होला ।

हाम्रो फेसबुक पेज