फातीको कमब्याकमा गोल, बार्सिलोनाको सहज जित – Thulo Khabar


काठमाडौं । अंशु फातीले पुनरागमन गर्दै गोल गर्दा बार्सिलोनाले स्पानपिस ला लिगामा आइतबार लेभान्टेलाई ३-० ले पराजित गरेको छ ।

घरेलु मैदानमा नोउ क्याम्पमा बार्सिलोनाका लागि डच खेलाडीद्वय मेम्फिस डिपाए र लुक डे जोङले पनि एक/एक गोल गरे ।

चोटका कारण लामो समयसम्म मान बाहिर रहेका युवा स्टार फातीले ११ महिनापछि पुनरागमन गर्दै गोल गरेका हुन् । ८१औं मिनेटमा मैदान प्रवेश गरेका उनले इन्जुरी टाइममा गोल गरेका थिए ।

दुई दशकपछि लिओनल मेस्सीले बार्सिलोना छाडेपछि फातीलाई क्लबले १० नम्बरको जर्सी दिएको थियो । फातीले नयाँ जर्सी लगाएर पहिलो खेलमै गोल गरे ।

त्यसअघि खेलको छैटौं मिनेटमै डीपाएले पेनाल्टीमा गोल गर्दै बार्सिलोनालाई अग्रता दिलाएका थिए । यस्तै १४ औं मिनेटमा डे जोङले गोल गर्दै बार्सिलोनाको अग्रता दोब्बर पारेका थिए।

जितपछि ६ खेलबाट १२ अंक जोडेको बार्सिलोनाले अंकतालिकामा पाँचौ स्थानमा उक्लेको छ । ७ खेलबाट १७ अंक जोडेको रियल मड्रिड शीर्ष स्थानमा छ । लेभान्टे ४ अंकसहित १७औं स्थानमा छ।

window.fbAsyncInit = function () { FB.init({ appId: '280041239029772', xfbml: true, version: 'v2.7' }); }; (function (d, s, id) { var js, fjs = d.getElementsByTagName(s)[0]; if (d.getElementById(id)) { return; } js = d.createElement(s); js.id = id; js.src = "https://connect.facebook.net/en_US/sdk.js"; fjs.parentNode.insertBefore(js, fjs); }(document, 'script', 'facebook-jssdk'));
अनलाइनखबरबाट साभार तल कमेन्टमा आफ्नो प्रत्रिकृया लेख्न नभुल्नु होला ।

हाम्रो फेसबुक पेज