शेयर बजारमा फेरि उच्च अंकको गिरावट – Thulo Khabar


२२ भदौ, काठमाडौं । सोमबार कीर्तिमानी छलाङ मार्दै बढेको शेयर बजार परिसूचक नेप्सेमा साताको तेस्रो दिन मंगलबार भने ठूलो गिरावट आएको छ । आइतबार १०८.२६ अंकले घटेको बजार सोमबार १६२ अंकले बढेको थियो । मंगलबार भने ४४.१८ अंकले घटेर बजार २९३६.६० विन्दुमा झरेको छ । मंगलबार बजार १.४८ प्रतिशतले गिरावट आएको हो । मंगलबार कारोबार रकममा समेत ठूलो कमी देखिएको छ । यस दिन मात्र ७ अर्ब ४९ करोड रुपैयाँको मात्र कारोबार भएको छ । मंगलबार कुल २२२ कम्पनीको ८६ हजार ५ सय ८ पटक कारोबारबाट १ करोड ५० लाख ८२ हजार ८१ कित्ता शेयर किनबेच भएको छ ।

मंगलबार होटेल तथा पर्यटन, ननलाइफ इन्स्योरेन्स र माइक्रोफाइनान्सका लगानीकर्ताले सबैभन्दा बढी गुमाए । म्यूचअल फण्ड र अन्य समुहबाट मंगलबार सबै उपसमूह राताम्मे रहे । यस दिन सानिमा लाइफ इन्स्योरेन्सको पोटेटिभ सर्किट लेवलमा कारोबार भयो । यो कम्पनीको शेयर मूल्य १० प्रतिशतले बढेको छ । युनाइटेड मोदी हाइड्रोपावर, हाइड्रोइलेक्ट्रिसिटी इन्भेष्टमेन्ट एण्ड डेभलपमेन्ट कम्पनी, युनिलिभर नेपाल लिमिटेड, महालक्ष्मी स्मार्ट लघुवित्तसहितका कम्पनीका लगानीकताले बढी कमाए । धेरै गुमाउने कम्पनीका लगानीकर्तामा आरएमडीसी लघुवित्त, रुरु जलविद्युत, प्रोग्रेसिभ फाइनान्स, फस्र्ट माइक्रोफाइनान्सजस्ता कम्पनी रहे ।

window.fbAsyncInit = function () { FB.init({ appId: '280041239029772', xfbml: true, version: 'v2.7' }); }; (function (d, s, id) { var js, fjs = d.getElementsByTagName(s)[0]; if (d.getElementById(id)) { return; } js = d.createElement(s); js.id = id; js.src = "https://connect.facebook.net/en_US/sdk.js"; fjs.parentNode.insertBefore(js, fjs); }(document, 'script', 'facebook-jssdk'));
अनलाइनखबरबाट साभार तल कमेन्टमा आफ्नो प्रत्रिकृया लेख्न नभुल्नु होला ।

हाम्रो फेसबुक पेज