लुम्बिनी प्रदेशका ८ स्थानमा सडक अवरुद्ध – Thulo Khabar


११ भदौ, बुटवल । अविरल वर्षाका कारण पुल भासिँदा, पहिरो जाँदा, बाढी आउँदा र कल्भर्ट बगाउँदा लुम्बिनी प्रदेशका विभिन्न जिल्लाका कम्तीमा आठ स्थानमा सडक अवरुद्ध भएको छ ।

लुम्बिनी प्रदेश ट्राफिक कार्यालय बुटवलका अनुसार रुपन्देही, नवलपरासी, अर्घाखाँची, बर्दिया, गुल्मी र पाल्पाका विभिन्न स्थानमा सडक अवरुद्ध भएका हुन् ।

ट्राफिक कार्यालयका सूचना अधिकारी डिल्ली नारायण पाण्डेयका अनुसार अर्घाखाँचीको सदरमुकाम जोड्ने गोरुसिंगे-सन्धिखर्क सडक पहिरो खसेका कारण अवरुद्व भएको छ ।

यस्तै नवलपरासी (पश्चिम) बर्दघाट नगरपालिका- १० लण्डनबृजस्थित पूर्व-पश्चिम राजमार्ग सडक खण्ड र सुनवल नगरपालिका-१२ बडेराको ड्राइभर्सन बगाएपछि बाटो पूर्ण रुपमा अवरुद्ध भएको छ ।

यस्तै रुपन्देहीको देवदह नगरपालिका-९ स्थित घोडाहा खोलामा पुल भासिदा पूर्व-पश्चिम राजमार्ग अवरुद्ध भएको छ ।

यस्तै अर्घाखाँचीको शितगंगा नगरपालिका- १२ बसेरीस्थित गोरुसिंगे-सन्धिखर्क सडकखण्ड पनि पहिरोले अवरुद्ध भएको प्रहरीले जनाएको छ ।

यस्तै पाल्पाको रम्भा गाउँपालिका-३ सितापहाडमा पहिरो खस्दा सिद्धार्थ राजमार्ग अवरुद्ध भएको छ । यस्तै बर्दियाको बांसगढी नगरपालिका-१ बबइस्थित कोहलपुर-सुर्खेत राजमार्ग सडक खण्ड पनि अवरुद्ध भएको छ ।

गुल्मीको रुरु गाउँपालिका-२ पोखरीबगरमा पहिरो खस्दा रिडी-रुद्रबेनी सडकखण्ड अवरुद्ध भएको छ ।

window.fbAsyncInit = function () { FB.init({ appId: '280041239029772', xfbml: true, version: 'v2.7' }); }; (function (d, s, id) { var js, fjs = d.getElementsByTagName(s)[0]; if (d.getElementById(id)) { return; } js = d.createElement(s); js.id = id; js.src = "https://connect.facebook.net/en_US/sdk.js"; fjs.parentNode.insertBefore(js, fjs); }(document, 'script', 'facebook-jssdk'));
अनलाइनखबरबाट साभार तल कमेन्टमा आफ्नो प्रत्रिकृया लेख्न नभुल्नु होला ।

हाम्रो फेसबुक पेज