पर्सामा एक वर्षमै थपियो ९ वटा बीओपी – Thulo Khabar


१० भदौ, वीरगञ्ज । सशस्त्र प्रहरीले एक वर्षमा पर्सामा ९ वटा बोर्डर आउट पोष्ट (बीओपी) थपेको छ । योसँगै पर्सामा सशस्त्र प्रहरीको बीओपीको संख्या १८ वटा पुगेको छ ।

पछि थप गरिएका ९ वटा बोर्डर आउट पोष्टमध्ये एउटा उद्घाटन गर्न बाँकी रहेको सशस्त्र प्रहरीले जनाएको छ ।

सामान्य बीओपीमा सशस्त्र प्रहरी निरीक्षकको कमाण्डमा २५ देखि ५० जनाको टोली रहन्छन् । तर पर्सामा ५ वटा बीओपीको कमाण्ड सशस्त्र प्रहरी नायब निरीक्षकले नै सम्हालेका छन् ।

सशस्त्र प्रहरीले सीमा सुरक्षा, सीमा क्षेत्रमा हुने चोरी पैठारी तथा निकासी नियन्त्रण, सीमा अपराध रोकथामलगायत सीमा क्षेत्रमा हुने अवैध गतिविधि रोकथाम तथा नियन्त्रणमा बीओपीलाई परिचालन गर्ने गरेको छ । देशभर सशस्त्र प्रहरीका २ सय २७ वटा बीओपी छन् ।

सशस्त्र प्रहरी बल १३ नं गणका गणपति सशस्त्र प्रहरी उपरीक्षक राजेन्द्र खड्काका अनुसार वीरगञ्ज-१६ इनर्वामा ०७७ भदौ १९ गते पहिलो बीओपी स्थापना भएको थियो । त्यसयता ९ वटा बीओपी स्थापना भइसकेको छ । क्रमशः छिपहरमाई गाउँपालिका-२ टिहुकी, जिराभवानी गाउँपालिका-१ महादेवपट्टी, ठोरी गाउँपालिका-३ ब्रम्हनगर, वीरगञ्ज-१७ ड्राईपोर्ट, जगरनाथपुर गाउँपालिका-१ पिपडारी, विन्दबासिनी गाउँपालिका-५ प्रसौनीभाठा र ठोरी गाउँपालिका-४ र धोविनी गाउँपालिका-२ आस्वारीमा बीओपी स्थापना भएको सशस्त्र प्रहरीले जनाएको छ ।

‘बीओपी स्थापनापछि सीमा क्षेत्रमा हुने अवैध गतिविधि नियन्त्रणमा थप योगदान पुगेको छ । गत आर्थिक वर्षमा भन्दा ५० प्रतिशत बढी मूल्यको अवैध समान बरामद गरेका छौं,’ उनले भने, ‘खुल्ला सीमाका कारण हुने अवैध गतिविधि रोक्न सुरक्षा निकायलाई स्थानीयको अझै सशक्त साथ आवश्यक छ ।’

गत आर्थिक वर्ष ०७७/०७८ मा लत्ता कपडा, इलेक्ट्रिक्स समान, मोटर पार्टस, भाँडा कुडा लगायत १३ करोड ३१ लाख मूल्य बराबरको अवैध समग्री बरामद गरी भन्सार बुझाइएको उनले बताए ।

सशस्त्र प्रहरीको बीओपी स्थापनाबाट स्थनीयस्तरमा शान्ति सुरक्षाको हिसाबले पनि राहत मिलेको स्थानीयले बताएका छन् ।

पाँच वटा बीओपीमा नयाँ भवन

सशस्त्र प्रहरीले पर्सामा बीओपी स्थापनासँगै नयाँ भवन संरचनाहरु समेत बनाएको छ । बीओपी स्थापनाका लागि पाँच ठाउँमा नयाँ भवन तथा अन्य संरचना बनाइएको सशस्त्र प्रहरी १३ नं गणले जनाएको छ ।

८० लाख देखि ९९ लाखसम्मको लागतमा पाँच ठाउँमा भवन तथा आवश्यक अन्य संरचनाहरु बनाइएको सशस्त्र प्रहरी नायब उपरीक्षक निर्मलकुमार थापाले जानकारी दिए । ठोरी, सुवर्णपुर, ब्रम्हनगर, भिश्वा र अमरपट्टीमा भवन तथा अन्य संचरना निर्माण भएको उनले बताए ।

window.fbAsyncInit = function () { FB.init({ appId: '280041239029772', xfbml: true, version: 'v2.7' }); }; (function (d, s, id) { var js, fjs = d.getElementsByTagName(s)[0]; if (d.getElementById(id)) { return; } js = d.createElement(s); js.id = id; js.src = "https://connect.facebook.net/en_US/sdk.js"; fjs.parentNode.insertBefore(js, fjs); }(document, 'script', 'facebook-jssdk'));
अनलाइनखबरबाट साभार तल कमेन्टमा आफ्नो प्रत्रिकृया लेख्न नभुल्नु होला ।

हाम्रो फेसबुक पेज