अमेरिकी दूतावासले भर्चुअल रुपमा गाईजात्रा महोत्सव गर्ने – Thulo Khabar


६ भदौ, काठमाडौं । काठमाडौंस्थित अमेरिकी राजदूतावासले यस वर्षको गाईजात्रा महोत्सव भर्चुअल माध्यमबाट गर्ने भएको छ ।

‘एलजीबीटीक्यूआई प्लस’ गौरवका रूपमा अमेरिकी राजदूत र्‍यान्डी बेरी, अभियन्ता तथा मानवअधिकारकर्मी एन्जल लामा, लेखक निरञ्जन कुँवर र चर्चित लोकगायक प्रकाश सपुतका साथ भर्चुअल रुपमा गाईजात्रा महोत्सव गर्ने दूतावासले जनाएको छ ।

पूर्व मिस नेपाल तथा सञ्चारकर्मी माल्भिका सुब्बाले सञ्चालन गर्ने उक्त कार्यक्रमको अमेरिकी दूतावासको फेसबुक पेजबाट प्रत्यक्ष प्रसारण गरिनेछ ।

गाईजात्रा पर्व परम्परागत रूपमा वर्ष दिनभित्र दिवंगत भएका आफन्तको सम्झनामा मनाइन्छ । २०६१ सालदेखि नेपालमा स्थानीय ‘एलजीबीटीक्यूआई प्लस’ समुदायले यस पर्वलाई आफ्नो गौरवको उत्सव मनाउने अवसरको रूपमा समेत उपयोग गर्दै आइरहेको छ । यसले समानता, स्वतन्त्रता र न्यायको खोजीमा लागिपरेका नेपालभरका एलजीबीटीक्यूआई प्लस व्यक्तिहरुप्रतिको अमेरिकी सरकारको प्रतिबद्धतालाई पुनर्पुष्टि गर्ने दूतावासले जनाएको छ । त्यस अवसरमा हुने छलफल नेपालमा एलजीबीटीक्यूआई प्लस अधिकारको वर्तमान अवस्था, गाईजात्रा र गौरवको सम्बन्ध, नेपाल र विश्वव्यापी रूपमा एलजीबीटीक्यूआई प्लस व्यक्तिहरूविरुद्ध जारी हिंसा र भेदभावमा केन्द्रित हुनेछ ।

नेपालमा यौनिक तथा लैङ्गिक अल्पसंख्यक समुदायको हकहितका लागि जागरूकता बढाउनका लागि गर्नुपर्ने कामको बारेमा पनि छलफल हुने दूतावासले जनाएको छ ।

window.fbAsyncInit = function () { FB.init({ appId: '280041239029772', xfbml: true, version: 'v2.7' }); }; (function (d, s, id) { var js, fjs = d.getElementsByTagName(s)[0]; if (d.getElementById(id)) { return; } js = d.createElement(s); js.id = id; js.src = "https://connect.facebook.net/en_US/sdk.js"; fjs.parentNode.insertBefore(js, fjs); }(document, 'script', 'facebook-jssdk'));
अनलाइनखबरबाट साभार तल कमेन्टमा आफ्नो प्रत्रिकृया लेख्न नभुल्नु होला ।

हाम्रो फेसबुक पेज