लुम्बिनी प्रदेशका मुख्यमन्त्री केसीले सुरक्षाकर्मी फिर्ता पठाए ।


रुपन्देही : लुम्बिनी प्रदेशका मुख्यमन्त्री कुलप्रसाद केसीले आफ्नो सुरक्षामा कटौती गरेका छन् । उनले स्कटिङमा खट्दै आएका आधा सुरक्षाकर्मी घटाएका छन् ।

केसीले सुरक्षामा खटिएका सशस्त्र प्रहरीलाई फिर्ता पठाएका हुन् । प्रहरी नायब निरीक्षकको कमाण्डमा रहेको सात जनाको प्रहरी टोलीलाई केसीको निर्देशनमा फिर्ता पठाइएको हो ।

मुख्यमन्त्री कार्यालयका अनुसार यसअघि निवर्तमान मुख्यमन्त्री शंकर पोखरेलले स्कटिङमा १४ जना सुरक्षाकर्मी प्रयोग गर्दै आएका थिए । खटिएका सुरक्षाकर्मीमध्ये नेपाल प्रहरीको सात जनाको ‘अगुवा’ र सोही संख्यामा सशस्त्र प्रहरीका ‘पछुवा’ थिए ।

ती सुरक्षाकर्मीहरु मुख्यमन्त्री केसीले पदभार ग्रहण गरेसँगै हटाएका हुन् । मुख्यमन्त्री केसीले जननिर्वाचित प्रतिनिधि जनतामा जाँदा असुरक्षाको महसुस गर्नुपर्ने अवस्था नरहेको बताए ।

उच्चपदस्थको सुरक्षाको नाममा अनावश्यक जनशक्ति खटाउँदा जनसुरक्षामा असर पर्ने उनको भनाइ छ । अहिले प्रदेश सरकारले सुरक्षाकर्मी परिचालनमा नयाँ कार्ययोजना बनाउने तयारी गरिरहेको छ ।

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src="https://connect.facebook.net/en_GB/sdk.js#xfbml=1&version=v3.2&appId=993051320823621&autoLogAppEvents=1"; fjs.parentNode.insertBefore(js, fjs); }(document, 'script', 'facebook-jssdk')); तल कमेन्टमा आफ्नो प्रत्रिकृया लेख्न नभुल्नु होला ।

हाम्रो फेसबुक पेज