कैलालीमा प्रहरीले रकम असुलेर जुवाडे भगाएको घटनाको छानबिन गर्न समिति गठन – Thulo Khabar


२४ साउन, धनगढी । कैलालीमा प्रहरीले रकम असुलेर जुवाडे भगाएको घटनाको छानबिन गर्न समित गठन गरिएको छ ।

संघीय प्रहरी इकाइ कार्यालय महेन्द्रनगरका प्रमुख प्रहरी वरिष्ठ उपरीक्षक जनकराज पाण्डेको संयोजकत्वमा गठित तीन सदस्यीय समितिले उक्त आरोपबारे छानबिन गरिरहेको छ ।

सुदूरपश्चिम प्रदेश प्रहरी कार्यालयका प्रवक्ता प्रहरी वरिष्ठ उपरीक्षक (एसएसपी) बिक्रम चन्दले प्रहरीले रकम असुलेर जुवाडे भगाएको घटनाबारे छानबिन गर्न गठित समितिलाई ७ दिनको समय दिइएको जानकारी दिए । उक्त समितिमा प्रहरी उपरीक्षक दिलिप देउवा र प्रहरी निरीक्षक हिम्मत बोहरा सदस्य छन्।

गत सोमबार कैलालीको धनगढी उपमहानगरपालिका–३ मिलनचोकस्थित एएफसी रेष्टुरेन्टमा जुवा खेलिरहेको सूचनाका आधारमा जिल्ला प्रहरी कार्यालय कैलाली र सुदूरपश्चिम अनुसन्धान समूह (आरआइटी) टोली पुगेको थियो ।

करीब १५ लाखको जुवा भइरहेको सूचना पाएको प्रहरीले ८ लाख असुलेर जुवाडेलाई भगाएको आरोप लागेको छ । जिल्ला प्रहरी कार्यालय कैलालीले उक्त आरोपमा सत्यता नरहेको बताउँदै आएको छ ।

जिल्ला प्रहरी कार्यालयका प्रमुख प्रहरी उपरीक्षक विश्व अधिकारी त्यो दिन प्रहरी त्यहाँ सूचना संकलनका लागि मात्र गएको दाबी गर्दै आएका छन् । उनले सादा पोशाकमा तीन जना प्रहरी खटिएको बताउँदै उनीहरुलाई देख्ने बितिकै जुवाडे भागेको जिकिर गर्ने गरेका छन् भने जुवाखालबाट नगद ८५ हजार मात्रै बरामद भएको उनी बताउँछन् । तर प्रहरीले यो घटनामा गुपचुप राखेको थियो ।

प्रहरीको भूमिकाबारे समाचार प्रकाशित भएपछि रेष्टुरेन्टका सञ्चालकसहित केहीलाई जुवा खेलेको आरोपमा पक्राउ गरेर जिल्ला प्रहरी कार्यालयले अनुसन्धान गरिरहेको छ ।

window.fbAsyncInit = function () { FB.init({ appId: '280041239029772', xfbml: true, version: 'v2.7' }); }; (function (d, s, id) { var js, fjs = d.getElementsByTagName(s)[0]; if (d.getElementById(id)) { return; } js = d.createElement(s); js.id = id; js.src = "https://connect.facebook.net/en_US/sdk.js"; fjs.parentNode.insertBefore(js, fjs); }(document, 'script', 'facebook-jssdk'));
अनलाइनखबरबाट साभार तल कमेन्टमा आफ्नो प्रत्रिकृया लेख्न नभुल्नु होला ।

हाम्रो फेसबुक पेज