दोस्रो त्रैमासमा क्लाउड पूर्वाधार उद्योग ४२ देखि ४७ अर्ब डलरमा पुग्यो- अनुसन्धान


दोस्रो त्रैमासमा क्लाउड पूर्वाधार उद्योग ४२ देखि ४७ अर्ब डलरमा पुग्यो- अनुसन्धान

क्लाउड पूर्वाधार सेवाहरुमा वैश्विक खर्च २०२१ को दोस्रो त्रैमासमा ४२-४७ अर्ब डलर पुगेको छ। उद्योगको दुई नवीनतम विश्लेषण अनुसार, एक बर्ष अघिको अवधिको तुलनामा ३६ देखि ३९ प्रतिशतले यस क्षेत्रमा खर्च वृद्धि भएको छ।

क्यानालिसको एक अध्ययनले देखाएअनुसार यस अवधिमा उद्योगले ४७ अर्ब खर्च गरेको छ र यो रकम एक बर्ष पहिलेको तुलनामा ३६ प्रतिशत र अघिल्लो त्रैमासको तुलनामा ५ अर्ब डलरले बढी हो । कामको बोझसहितको स्थानान्तरण र क्लाउड नेटिभ एप्लिकेसन विकासको गतिले यसलाई बढाएको अनुमान गरिएको छ।

महामारी र, भर्खरैका चरम मौसमी घटनाहरुले क्लाउड सेवाहरुको महत्व बढाउँदै, पर्यावरणीय जोखिमबाट दीर्घकालीन अवरोधको बारेमा चिन्ता उठाएको शोधकर्ताहरुले पत्ता लगाएका छन्।

शीर्ष तीन क्लाउड सेवा प्रदायकले दोस्रो त्रैमासिकमा कुल खर्चको ६१ प्रतिशत आकर्षित गरे । यसमा अमेजन वेब सर्विसेजको नेतृत्वमा जसको आय बर्षिकरुपमा ३७ प्रतिशतले बढ्यो र ३१ प्रतिशत बजार हिस्सा रहेको क्यानालिसका शोधकर्ताहरुले अनुमान गरेका छन्।

माइक्रोसफ्ट एजुर दोस्रो ठूलो क्लाउड सेवा प्रदायक थियो, जोसँग २२ प्रतिशत बजार हिस्सेदारी छ भने र यसको आय वर्षिकरुपमा ५१ प्रतिशत बृद्धि भएको छ । जबकि गुगल ८ प्रतिशत बजार हिस्साका साथमा तेस्रोमा  रहेको छ भने यसको आम्दानिमा वार्षिक ६६ प्रतिशत भएको थियो।

सिनर्जी रिसर्च ग्रुपको आंकडा अनुसार, बीचमा, क्लाउड पूर्वाधार सेवाहरुमा दोस्रो क्वाटरमा इन्टरप्राइज खर्च ४२ अर्ब डलर भएको छ । जसअनुसार अघिल्लो त्रैमासको तुलनामा २.७ अर्ब डलर खर्च वृद्धि भएकोछ भने यो बर्ष अघिल्लो अवधिको तुलनामा ३९ प्रतिशत बढी छ । यो वार्षिकरुपमा निरन्तर चौमासिक वृद्धि हो।

सिनर्जी रिसर्चको गणना अनुसार, अमेजनले दोस्रो त्रैमासिकमा क्लाउड बजारको ३३ प्रतिशत शेयरको साथमा आफ्नो बलियो नेतृत्व पुनः स्थापित गर्यो जसमा १० प्रतिशतको क्रमशः वृद्धि हासिल गरेको छ। माइक्रोसफ्ट र गुगल कम्पनी बजारको अर्को ३० प्रतिशत हिस्साको लागी जिम्मेवार छन्। र अन्य २० क्लाउड प्रदायकहरुको संयुक्त २८ प्रतिशत बजार हिस्सा थियो।

सिनर्जीले बताएअनुसार शीर्ष तीन कम्पनीलाई पछ्याउने कम्पनीहरु मध्ये, औसत वृद्धि दर भन्दा माथि भएका मध्ये अलीबाबा र चार अन्य प्रमुख चिनियाँ क्लाउड प्रदायकहरु सामेल छन् ।

TK Viber

प्रकाशित: १६ श्रावण २०७८, शनिबार


technologykhabarबाट साभार तल कमेन्टमा आफ्नो प्रत्रिकृया लेख्न नभुल्नु होला ।

हाम्रो फेसबुक पेज