बंगलादेशमा आगलागीमा ५२ जनाको मृत्यु भएपछि कारखाना सञ्‍चालक पक्राउ – Thulo Khabar


२७ असार, काठमाडौं । बंगलादेशको प्रहरीले बंगलादेशको राजधानी सहर नजिकै रहेको रुपगञ्जस्थित हसेम फुड्स कारखानाका सञ्‍चालकलाई पक्राउ गरेको छ ।

गत बिहीबार उक्त कारखानामा आगलागी भएपछि भित्र रहेका ५२ जनाको मृत्यु भएको थियो । बंगलादेशको प्रहरीकाअनुसार शनिबार कम्पनीका सञ्‍चालक अबुल हसेम र उनका चार छोरासहित आठ जना पक्राउ परेका छन् । उनीहरु सबैविरुद्ध कर्तव्‍य ज्यान मुद्दा चलाउने तयारी भइरहेको प्रहरीले बताएको छ ।

अधिकारीहरुका अनुसार कारखानाबाट बाहिर निस्किने प्रमुख ढोका बन्द रहेकाले धेरैको मृत्यु भएको थियो । मृत्यु हुनेमा केही बालबालिका पनि थिए ।

यससँगै कम्पनीमाथि बाल श्रम शोषणबारे सोधपुछ पनि सुरु भएको छ । बंगलादेशकी श्रममन्त्री मोनुजान सुफियानले कारखानामा बाल श्रम शोषण भएको पुष्टि भए कारखानाका सञ्‍चालक र नियामकविरुद्ध आवश्यक कदम चालिने बताएकी छिन् ।

पक्राउ पर्नुभन्दा केही समयअघि कारखानाका प्रमुख हसेमले आगलागी हुनुमा कर्मचारीहरुको लापरबाही एक कारण भएको बताएका थिए । बिहीबार साँझबाट सुरु भएको आगलागी करिब २४ घण्टासम्म पनि नियन्त्रणमा आएको थिएन ।

कारखानाभित्र रहेका रसायन र प्लास्टिकको कारण आगलागी झनै बढेको अन्तर्राष्ट्रिय सञ्चारमाध्यमहरुले बताएका छन् ।

एजेन्सीहरुको सहयोगमा

window.fbAsyncInit = function () { FB.init({ appId: '280041239029772', xfbml: true, version: 'v2.7' }); }; (function (d, s, id) { var js, fjs = d.getElementsByTagName(s)[0]; if (d.getElementById(id)) { return; } js = d.createElement(s); js.id = id; js.src = "https://connect.facebook.net/en_US/sdk.js"; fjs.parentNode.insertBefore(js, fjs); }(document, 'script', 'facebook-jssdk'));
अनलाइनखबरबाट साभार तल कमेन्टमा आफ्नो प्रत्रिकृया लेख्न नभुल्नु होला ।

हाम्रो फेसबुक पेज