अक्सिजनको खाली सिलिन्डर उद्योगमा पुर्‍याइदिनू – Thulo Khabar


२५ जेठ, काठमाडौं । स्वास्थ्य तथा जनसंख्या मन्त्रालयले अक्सिजनका धेरै खाली सिलिन्डरहरु व्यक्तिका घर, टोल र आइसोलेसन सेन्टरमा थुप्रिएको भन्दै ती सिलिन्डर उद्योगसम्म पुर्‍याइदिन आग्रह गरेको छ ।

विभिन्न कारणले व्यक्तिका घर, टोल, विभिन्न आइसोलेसन सेन्टर र अस्पतालमा पुगेका सिलिन्डर अक्सिजन भर्न समयमा नै उद्योगहरुमा नपुग्दा अक्सिजन आपूर्तिमै समस्या हुने भन्दै मन्त्रालयले उद्योगमा पुर्‍याइदिन आग्रह गरेको हो ।

‘ती सिलिन्डरहरु समयमै भर्नका लागि सम्बन्धित उद्योगहरुमा नपुग्दा समग्र आपूर्ति प्रणालीमा असर गर्ने हुन्छ र अस्पतालमा जटिल उपचारमा रहनु भएका व्यक्तिहरुलाई अप्ठेरो पर्न जान्छ’ मन्त्रालयका सहप्रवक्ता समीरकुमार अधिकारीले जारी गरेको विज्ञप्तिमा भनिएको छ ।

विज्ञप्तिमा अगाडि भनिएको छ ‘जुनसुकै व्यक्ति, संस्था, निकायहरुले जुनसुकै बहनामा लैजानुभएका अक्सिजन सिलिन्डरहरु यथासक्य चाँडो जुन उद्योगको सिलिन्डर हो, सोही उद्योगमा भर्नका लागि उपलब्ध गराइदिनुहुन अनुरोध छ ।’

कोरोना संक्रमित बिरामीका लागि अक्सिजन अत्यावश्यक हुने भन्दै खाली भएको सिलिन्डर उद्योगमा ल्याइदिन सरकारले आग्रह गरेको हो ।

मन्त्रालयले अस्पतालमा जडान भएका अक्सिजन प्लान्ट वा ट्यांकरहरु जतिसक्दो चाँडो मर्मत गरी पूर्ण क्षमतामा सञ्चालन गर्न निर्देशन दिएको छ । त्यस्तै अस्पतालमा अधिकतम मात्रामा अक्सिजन सिलिन्डर भरेर राख्न पनि आग्रह गरेको छ ।

हेर्नुस् मन्त्रालयको पत्र

window.fbAsyncInit = function () { FB.init({ appId: '280041239029772', xfbml: true, version: 'v2.7' }); }; (function (d, s, id) { var js, fjs = d.getElementsByTagName(s)[0]; if (d.getElementById(id)) { return; } js = d.createElement(s); js.id = id; js.src = "https://connect.facebook.net/en_US/sdk.js"; fjs.parentNode.insertBefore(js, fjs); }(document, 'script', 'facebook-jssdk'));
अनलाइनखबरबाट साभार तल कमेन्टमा आफ्नो प्रत्रिकृया लेख्न नभुल्नु होला ।

हाम्रो फेसबुक पेज