खोप लगाउन जानेलाई काठमाडौं महानगरले चिया बिस्कुट नदिने – Thulo Khabar


२५ जेठ, काठमाडौं । काठमाडौं महानगरपालिकाले खोप लगाउन जाने ज्येष्ठ नागरिकलाई चिया बिस्कुट नदिने भएको छ । अघिल्लो खोप अभियानमा चिया बिस्कुट र आराम गर्ने व्यवस्था समेत गरेको महानगरले संक्रमण फैलिने डरले यस पटक भने चिया बिस्कुट नदिने निर्णय गरेको महानगरकी उपमेयर हरिप्रभा खड्गीले जानकारी दिइन् । उनले खोप लगाउनेलाई खोप केन्द्रमा आधा घण्टासम्म आराम गर्ने ठाउँको व्यवस्था भने गरिएको जानकारी दिइन् ।

त्यस्तै, महानगरपालिकाका प्रवक्ता ईश्वरमान डंगोलले यस अघिको खोप अभियानमा चिया बिस्कुटको व्यवस्था गरेको भए पनि संक्रमणको जोखिम बढ्न सक्ने भएकोले यस पटक यो सुविधा कटौती गरिएको जानकारी दिए । उनले यसपटक आराम गर्ने सुविधा मात्रै दिइने स्पष्ट पारे ।

मं‌गलबारदेखि सुरु हुने चिनियाँ खोप अभियानका लागि काठमाडौं महानगरपालिकाले ३२ वटा केन्द्र तोकेको छ । महानगरपालिकाले मंगलबारदेखि ५ दिनसम्म चल्ने खोप अभियानका लागि हरेक वडामा एक–एक वटा केन्द्र तोकेको हो ।

महानगरपालिकाले तयार पारेको कार्यतालिका अनुसार जेठ २५ गते ६४ वर्ष उमेर समूहकालाई मात्रै खोप दिइनेछ । २९ गतेसम्म चल्ने खोप अभियानमा हरेक दिन फरक फरक उमेर समूहका व्यक्तिलाई खोप दिइने महानगरपालिकाले जनाएको छ ।

जसअन्तर्गत् २६ गते ६३ वर्षका, २७ गते ६२ वर्षका, २८ गते ६१ वर्षका र अन्तिम दिन अर्थात् २९ गते ६० वर्ष उमेरका व्यक्तिलाई खोप लगाउने तयारी गरिएको महानगरपालिकाका शहरी स्वास्थ्य विभाग प्रमुख हरिबहादुर कुँवरले जानकारी दिए ।

यो पनि पढ्नुहोस काठमाडौंमा चिनियाँ खोपको पहिलो डोज लगाउने केन्द्र तोकियो (सूचीसहित)
window.fbAsyncInit = function () { FB.init({ appId: '280041239029772', xfbml: true, version: 'v2.7' }); }; (function (d, s, id) { var js, fjs = d.getElementsByTagName(s)[0]; if (d.getElementById(id)) { return; } js = d.createElement(s); js.id = id; js.src = "https://connect.facebook.net/en_US/sdk.js"; fjs.parentNode.insertBefore(js, fjs); }(document, 'script', 'facebook-jssdk'));
अनलाइनखबरबाट साभार तल कमेन्टमा आफ्नो प्रत्रिकृया लेख्न नभुल्नु होला ।

हाम्रो फेसबुक पेज