‘मुख्यमन्त्रीको दौडबाट कांग्रेस पछि हट्यो’ – Thulo Khabar


२४ जेठ, जनकपुरधाम। प्रदेश-२ को सत्ता सहकार्यको विषयमा छलफल गर्न बसेको नेपाली कांग्रेस र जनता समाजवादी पार्टी (जसपा) उपेन्द्र यादव समूहको बैठक निष्कर्षविहीन भएको छ ।

सोमबारको बैठकमा कुनै निर्णय नभएको र मंगलबार फेरि बस्नेगरी बैठक स्थगित भएको कांग्रेसको तर्फबाट वार्तामा सहभागी सांसद शिवचन्द्र चौधरीले जानकारी दिए ।

सुरुमा कांग्रेसले मुख्यमन्त्रीमा दाबी गरे पनि तत्काल यो मागबाट पछि हटेको चौधरीले बताए । ‘हाम्रो माग त मुख्यमन्त्री नै हो । हाम्रा नेताहरुले साढे तीन वर्ष तपाईंहरुले चलाउनुभयो अब बाँकी दिनुस् भन्नुभएको छ । तर उहाँहरु संख्यामा बढी हुनुहुन्छ त्यही भएर मुख्यमन्त्री उहाँहरुले नै लिनुहुन्छ।’ कांग्रेसले सत्ता सहकार्यको लागि वार्ता गर्न प्रदेश २ संसदीय दलको नेता सरोज यादवलाई जिम्मा दिएको छ ।

सांसद चौधरीका अनुसार जसपाको उपेन्द्र यादव पक्षले अहिले बाँकी रहेको र केही मन्त्रालय टुक्राएर कांग्रेस र माओवादीलाई दिन चाहेको छ । तीन वटै पार्टीको संयुक्त बैठक बसेर मन्त्रालय बाँडफाँटको विषयमा निष्कर्षमा पुग्न सकिने उनले बताए ।

प्रदेश २ मा अहिले मुख्यमन्त्री तथा मन्त्रिपरिषद् कार्यालय, आन्तरिक मामिला तथा कानुन मन्त्रालय, भौतिक पूर्वाधार विकास, आर्थिक मामिला तथा योजना, उद्योग, पर्यटन, वन तथा वातावरण, भूमि व्यवस्था कृषि तथा सहकारी र सामाजिक विकास मन्त्रालय छन् । जसपा स्रोतका अनुसार सामाजिक विकास, भूमि व्यवस्था तथा कृषि, उद्योग, पर्यटन, वन तथा वातावरण मन्त्रालयलाई टुक्राएर नयाँ मन्त्रालय बनाउन खोजिएको छ ।

जसपा अध्यक्ष उपेन्द्र यादव नयाँ सत्ता समीकरणको प्रयासमा छलफल गर्न प्रदेश २ को अस्थायी राजधानी जनकपुरधाम आएका छन्। उनी जनकपुरधाम आएलगत्तै मुख्यमन्त्री लालबाबु राउतले मन्त्रिपरिषदबाट महन्थ ठाकुर पक्षका एक मन्त्री र तीन राज्यमन्त्रीलाई हटाएका थिए ।

window.fbAsyncInit = function () { FB.init({ appId: '280041239029772', xfbml: true, version: 'v2.7' }); }; (function (d, s, id) { var js, fjs = d.getElementsByTagName(s)[0]; if (d.getElementById(id)) { return; } js = d.createElement(s); js.id = id; js.src = "https://connect.facebook.net/en_US/sdk.js"; fjs.parentNode.insertBefore(js, fjs); }(document, 'script', 'facebook-jssdk'));
अनलाइनखबरबाट साभार तल कमेन्टमा आफ्नो प्रत्रिकृया लेख्न नभुल्नु होला ।

हाम्रो फेसबुक पेज