अमेरिकाले पहिलो चरणमा तीन कम्पनीका कोरोना खोप बाँड्दै – Thulo Khabar

२१ जेठ, काठमाडौं । अमेरिकाले कोभ्याक्स कार्यक्रममार्फत् तीन कम्पनीका कोरोना खोप नेपालसहित विभिन्न मुलुकलाई बाँड्ने भएको छ । जोन्सन एण्ड जोन्सन, पिफाइजर र मोडेर्ना कम्पनीका खोप बाँड्न लागिएको हो । बिहीबार अमेरिकी राष्ट्रपतिले जो बाइडनले विभिन्न मुलुकलाई खोप वितरण गर्ने घोषणा गरेलगत्तै आयोजना गरिएको पत्रकार सम्मेलनमा सो जानकारी दिइएको हो । पहिलो चरणमा नेपाल लगायत बिभिन्न मुलुकलाई दुई करोड ४ लाख डोज खोप दिने घोषणा अमेरिकाले गरेको छ । नेपालले कुन कम्पनीको कति डोज खोप पाउने भन्ने निश्चित भइसकेको छैन । एष्ट्राजेनिकाले स्वीकृति पाउन बाँकी अमेरिकासँग भण्डारणमा रहेको एष्ट्राजेनिका कम्पनीका ६ करोड खोपलाई त्यहाँको खाद्य तथा औषधि विभागले भने अझै स्वीकृति दिइसकेको छैन । शुरुमा अमेरिकाले यही खोप ६ करोड बाँड्ने घोषणा गरेकोमा पछि दुई करोड थप वितरण गर्ने घोषणा गरेको थियो । विभागले स्वीकृति दिएपछि सो खोप वितरण गरिने अमेरिकी अधिकारीहरुले जनाएका छन् । अक्सफोर्ड एष्ट्राजेनिकाले निर्माण गरेको खोप भारतको सेरम इन्सटिच्युटले कोभिस्लडको नामबाट उत्पादन गरेको छ । कोभिसिल्ड खोपको पहिलो डोज लगाएका १३ लाख ज्येष्ठ नागरिकले १२ हप्ता बितिसक्दा पनि दोस्रो डोज पाउने अनिश्चित छ । यदि अमेरिकाले एष्ट्राजेनिकाको खोप दिएमा भारतबाट खोप नआए पनि ज्येष्ठ नागरिकलाई राहत मिल्ने छ ।

window.fbAsyncInit = function () {
FB.init({
appId: '280041239029772',
xfbml: true,
version: 'v2.7'
});
};

(function (d, s, id) {
var js, fjs = d.getElementsByTagName(s)[0];
if (d.getElementById(id)) {
return;
}
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
}(document, 'script', 'facebook-jssdk'));
अनलाइनखबरबाट साभार

हाम्रो फेसबुक पेज